DavOcc ug Sultan Kudarat sunod-sunod nga gilinog

Davao City – Gilinog karong adlawa ang Davao Occidental alas 8:35 kaganinang buntag.

Sa report sa Philippine Institute of Volcanology and Seismology kun PHIVOLCS, magnitude 3.9 ang mitay-og nga adunay gilay-on sa sidlakang bahin sa Sarangani, Davao Occidental ug adunay giladmon nga 221 kms.

Samtang natala usab ang managlaing linog sa duha ka lugar sa Sultan Kudarat diin magnitude 4.5 ang mitay-ug sa kasadpang bahin sa Kalamansig Sultan Kudarat ala 1:05 karong hapon diin aduna kini giladmon nga 8kms.


Natala sa PHIVOLCS ang managlaing intensities sa lugar:

Intensity IV – Lebak, and Kalamansig, Sultan Kudarat Intensity III – Cotabato City; Sultan Kudarat, Maguindanao Intensity II – Aleosan, Cotabato; Bagumbayan, and Isulan, Sultan Kudarat

Samtang sa parehong oras, gitay-ug og magnitude 4.4 nga linog ang kasadpang bahin sa Palimbang Sultan Kudarat diin aduna kini giladmon nga 40 kms.

Base sa report nga parehong tectonic ang tinubdan sa maong mga linog ug walay laumang damyos ug aftershocks niini.

RadyoMaN Renz Barbarona

Facebook Comments