Davao City – Gilauman sa Department of Education Davao Region nga makumpleto na ang gidaghanon sa mga delegado ug sa mga atleta nga musalmot sa usa ka semana nga Davao Region Athletic Association (DAVRAA) Meet 2018 karong adlawa.
Matud ni DepEd-XI Spokesperson Jenielito Atillo, ang delegado na lang gikan sa Davao del Sur ang wala mahidangat human nadelatar ang ilang pag-abot gumikan sa Valentines Day gahapong adlawa.
Sumala ni Atillo, onse ka contingents kun kapin 7,000 ka delegado ug mga atleta ang musalmot sa DAVRAA 2018 diin nag-abot-abot ang mga partisipante sukad pa niadtong adlaw’ng Domingo.
Segun sa opisyal, opisyal nga paga-ablihan ang DAVRAA Meet 2018 karong petsa 18 pinaagi sa parade nga pagahimoon sa UM Sports Complex sa may Matina ning siyudad.
RadyoMaN Joel Viray
