DAVRAA gisibog sa Abril

26

Davao City – Gikumpirma sa Department of Education (DepEd) Davao Region nga sa April 2020 mahinayon na ang Davao Regional Athletic Association (DAVRAA) Meet.

Kini tungod sa hulga sa COVID-19 diin gikatakda unta kining ilusad karong March 15-22.


Atol sa eksklusibong interbyu sa RMN Davao kang DepEd-XI spokesperson Jenielito Atillo, sa Davao de Oro kini ipahigayon karong April 1-7, 2020.

Sa pikas bahin, mensahe ni Atillo ngadto sa mga estudyante karong Valentine’s Day nga dili mawala sa focus diha sa pagtungha ug dili mosulay og eksperimento sa mga butang nga dili angayang buhaton sama sa pre-marital sex.

“Never experiment into something nga dili angayan pang buhaton nga para lang dapat sa mga adult ug dunay trabaho,” matud ni Atillo.

Gitambagan usab ni Atillo ang mga ginikanan nga kanunay i-monitor ang mga aktibidad sa ilang mga anak ilabi na nga dali lamang ma-access ang tanan diha sa internet karong mga panahona.

RadyoMaN Jason Amisola

Facebook Comments