DavSur board member kasuhan tungod sa KAPA ops

Davao City – Gikatakdang i-inquest karong adlawa, Setyembre 19, aron mapasaka sa National Bureau of Investigation (NBI) ang kasong Syndicated Large Scale Estafa batok kang Davao Del Sur Board Member Arvin Malaza alyas Jun Blanco.

Kahinumdoman gilusad ang entrapment operation ngadto sa opisina sa Kabus Padatuon kun KAPA didto sa Magsaysay St., Brgy Zone 3, dakbayan sa Digos.

Sa interbiyu sa RMN Davao kang Board Member Arvin Malaza, iyang gihimakak nga wala na nag-operate ang maong buhatan.


Gidugang ni Malaza nga atol sa entrapment operation sa NBI wala siya sulod sa opisina ug didto siya sa gawas.

Sa pikas bahin nahinabi usab sa RMN Davao ang tigpamaba sa NBI-XI nga si Joel Ayop diin iyang gipaklaro nga didto sa sulod sa opisina si Malaza gani nisuway pa og intervene ngadto sa mga sakop sa NBI.

Matud ni Ayop nga kumpirmardo nga nagpadayon ang operasyon sa KAPA subay sa ilang gihimong test pay in ngadto sa KAPA nga dunay bag-ong pangalan nga KAPA World Wide Inc.

Gidugang ni Ayop nga kaduha kahigayon ang NBI nagpa test pay in ug nakumpirma nga nagpadayon ang operasyon sa KAPA.

RadyoMaN Don Pulayao

Facebook Comments