DavSur Gov. Cagas stable na ang kondisyon

75

Digos City – Anaa na sa stable nga kondisyon si Davao del Sur Governor Douglas “Dodo” Cagas sulod sa Medical Center of Digos Cooperative (MCDC).

Sa interbyu sa DXDC RMN Davao kang Davao del Sur Information officer Sherwin Cesar, stable na ang kondisyon sa gobernador.


“Dako na og tsansa nga naka-survive si Dok kay normal naman ang tanang vital signs niya. Padayon siyang nagpaalim sa iyahang balatian sa ospital. Mao ng nagkinahanglan ta og padayong pag-ampo aron completely maka-recover gyod si Gov. Cagas ug maka-survive siya sa iyahang balatian,” sumala niini.

Gibutyag niini adunay gihimong inbestigasyon kung kinsa naggikan ang sayop nga impormasyon nga giingong mipanaw na ang gobernador.

Nanawagan si Cesar ilabina sa media nga una mobalita ug mo-post sa social media kinahanglang i-verified ug i-validate ang mga inpormasyon aron dili mamahimong hinungdan sa panic, kabalaka ug kasamok. Subay niini, nakatutok pa ang pamilyang Cagas sa kondisyon sa panlawas sa gobernador.

Sumala ni Cesar, pamilyang Cagas posibleng mohimo og legal action batok sa nagbalita nga mipanaw na kini.



“Posible nga usa sa mga lakang puhon kung completely recovered na si Governor Cagas para matagaan pod og justice ang gihimong injustice sa ilaha,” matud niini.


RadyoMaN Aimee Guinita

Facebook Comments