DavSur residents padayong namakwit tungod sa ‘tsunami fear’

63

Davao City – Di gihapon mapugngan ang mga tao sa pagpamakwit bisan aftershocks ang nabati nga sunod-sunod nga linog sa Davao del Sur.

Sumala sa City Disaster Risk Reduction and Management Council kun CDRRMC sa Digos City atol sa interview sa RMN Davao, tungod matud pa sa epekto nga dala sa magnitude 6.3 nga linog, ubay-ubay gihapon ang nangahadlok ug namakwit tungod sa ginakahadlukang tsunami alert.


“Bisan unsaon og ingon nga tectonic ang linog, dili sila mapugngan ug mubakwit gyud sa higher ground,” Digos City DRRMC representative.

Samtang sa Magsaysay, Davao del Sur, anaa sa kapin 200 ka mga pamilya ang nagpabilin sa evacuation center gumikan sumala sa Local Government Unit kun LGU, dili na luwas sa mga residente ang pagbalik sa ilang mga balay nga nadamyos tungod sa linog.

RadyoMaN Renz Barbarona

Facebook Comments