Dawlah Islamiya Torayfe Group, gitudlong responsable sa pagpamomba sa Cotabato City

13

General Santos City— Dawlah Islamiya Torayfe Group ilalom ni Salahudin Hassan ang gitudlong suspek sa militar nga responsable sa pagpamomba sa Cotabato City milabay’ng’ng adlaw. Kini ang gibutyag ni Major General Cirilito Subijana, Commanding Officer sa 6th Infantry Division base na usab sa narekober nga signature sa improvised explosive device nga gigamit sa pagpamomba.

Pagpanimalos man usab ang nag-unang motibo nga ilahang ginatan-aw sa maong pagpamomba gumikan sa focus military operation nga ginahimo sa militar batok sa maong grupo.

Dugang pamahayag ni MGen. Subijana nga sa karon aduna silay gina-tutukan nga mga suspek basi na usab sa kuha sa mga CCTV camera sa palibot sa maong mall.

Panghinaut nila nga wala pa makagawas sa Cotabato ang mga nahisgutan aron nga masikop ug masayran kung si kinsa pa ang ilahang mga kaubanan.

Pagpaklaro niya nga hugot ang ginahimong pagbantay sa siguridad sa 6th ID apan gumikan sa kadaghan matud pa sa tawo niadtong higayuna, dili gyud malikayan nga adunay nakalusot.

Saysay pa niini nga adunay nakakita sa kahon nga gisudlan sa bombang mibusikad sa entrance nga bahin sa South Seas Mall apan pipila ka sigundo ayha nakahatag ug impormasyon ang concern citizen, mibusikad ang maong bomba.

Basi matud pa sa narekober sa blast site, gilangkuban ug black powder ug mga lansang ang maong bomba gamit ang PVC pipe gumikan wala matud pa nanagamit ug mortar ang maong grupo.

Nanawagan man usab kini sa publiko nga magpabiling mabinantayon sa palibot ug unsa mang makadudahang butang nga makit-an, gilayong ipaabot sa otoridad.

Facebook Comments