Davao City – Kasong murder ang ipasaka sa kapulisan batok sa suspek nga mipusil-patay sa nakabangi niini sa usa ka birthday party sa may Purok 2, Brgy. Pitu, Malalag, Davao del Sur.
Sa pakighinabi sa RMN Davao kang Malalag Municipal Police Station acting station commander Police Lieutenant Sandique Solaiman, milusad na sila og hot pursuit operation sa suspetsado.
Sa imbestigasyon sa kapulisan, hubog na matud pa ang biktimang si Warren Alayosa Cañabano, 38, taga-Purok Acasia 2, Brgy Poblacion, Malalag, Davao del Sur kinsa midayo sa nasangpit nga birthday party.
Nagkainitay ang wala pa ginganlan sa kapulisan nga suspek ug ang biktima ug
nisangpot sa madugo nga insidenteng pagpamusil-patay.
Nakuha sa crime scene ang lima ka basiyo sa .45 nga baril.
Sumala ni Solaiman, gituohang ang suspek aduna kiniy lain pang giatubang nga kaso sa laing lugar.
RadyoMaN Aimee Guinita
