DCCCI: Rice crisis angay tutukan

15

Davao City – Ang kakulang sa supply sa bugas usa sa hinungdan kung nganong mitaas ang presyo tungod kay taas ang demand.

Sumala ni Arthur Milan, Davao City Chamber of Commerce and Industry Incorporated (DCCCII) President, basta taas ang demand unya kulang ang supply sa bugas motaas gyud ang presyo niini.

Matud ni Milan, gikinahanglan dinhi karon samtang wala pa miabot ang ting-ani mao ang imbentaryo sa mga bodega nga kung dunay supply angayan gyud nga ipagawas.

Gipasabot usab ni Milan nga dili solusyon ang pagbungkag sa NFA Council ug pagluwat sa katungdanan ni Jason Aquino isip administrator sa National Food Authority (NFA) sa problema sa supply ug presyo sa bugas kun dili ang pagpangita og kwarta aron maka-angkat og bugas sa laing nasud ug tugotan ang private sector nga maka-import aron adunay magamit samtang wala pa miabot ang gi-angkat nga bugas ug ting-ani.

RadyoMaN Bernard Pantallon

Facebook Comments