Davao City – Misaka ang demand sa mga online business sama sa food delivery ug palengke delivery human gipasara ang daghang establishemento gumikan sa hulga sa COVID-19.
Sa pakighinabi sa DXDC RMN Davao kang Davao City Chamber of Commerce & Industry, Inc. kun DCCCII President John Tria, giingon niini nga sa ilang pagpromote sa online business, daghan na ang nagabuhat niini karong panahona.
“Kani (online businesses) ang nakatabang aron dili kaayo magmahal ang presyo sa mga palitunon kay naa nay alternatibo ang mga tao aron di magsalig sa supplier nga traditional,” segun ni Tria.
Samtang padayong panawagan niini sa publiko nga og aduna gihapoy mamatikdan nga pagsaka sa presyo sa palaliton, mamahimo lang gihapon mutawag sa Department of Trade kun DTI hotline aron ma report ug maimbestigahan diin sumala sa DCCCII nga kini usab nga pamaagi matabangan kadtong lokal nga mga negosyo ilabi na sa mga lagyong lugar nga masigurong maimplementa og maayo ang prize freeze.
Hinuon sumala ni Tria nga gitutukan karon sa DCCCII ang pagtabang sa mga negosyo nga makuha sa mga empleyado ang mga benepisyo o ayuda gikan sa gobyerno gani duna na usab silay gimugna nga future plans og unsaon pag rekober sa mga negosyo human sa COVID-19 pinaagi usab sa pakigpulong sa mga government financial institutions aron makapadayon ug makabangon human sa krisis.
RadyoMaN Renz Barbarona
