DCNHS: Localized enrollment gihangyo nga sundon

28

Davao City – Misobra na ang ihap sa mga estudyante matag klase o section sa Davao City National High School (DCNHS).

Kini ang gibutyag ni Davao City National High School (DCNHS) Principal Evelyn Magno atol sa pakighinabi sa DXDC RMN Davao diin sa pag-abli sa Blended kun Distance Learning sa School Year 2021-2022 kagahapong adlawa, September 13, 2021, adunay 14,000 ka mga enrolled student ang City High.


Subay niini, giabisuhan ni Magno ang mga ginikanan nga sundon ang localized enrollment o didto ipa-enroll ang ilahang mga anak sa mga eskwelahan nga duol sa ilahang mga pinuy-anan.

“Pirte ng daghana sa atoang mga estudyante ug niabot na’g tag 70 kapin ug tag 91 na matag section so luoy na kaayo ang atong magtutudlo. Atong gihangyo ang atong mga ginikanan anyway wala man tay face to face didto nato ipa-enroll sa eskwelahan duol sa ilang mga pinuy-anan,” sulti ni Magno.

Ang Davao City National High School adunay 500 ka mga teaching ug Non-Teaching personnel diin hugot nga gipatuman ang working schedule nga work on site ug work from home set-up nunot sa COVID-19.

Gibutyag ni Magno nga ang dawaton lang nga enrollee mao ang nakapa-enroll online ug early registration.



Base sa DepEd Executive Order, nahuman kagahapon ang enrollment.

Ang matag advisers magpahigayon og orientation karong semanaha sa ilahang mga estudyante ug sa mga ginikanan ilawom sa new normal set-up sa pagtuon.


RadyoMan Aimee Guinita

Facebook Comments