DCOTT: Automatic scanner dako’g tabang

23

Davao City – Mas mapadali na unya ang pagsulod sa mga pasahero sa Davao City Overland Transport Terminal (DCOTT) oras nga ma-muntar na ang ‘automatic scanner’ sa entrance nga bahin sa terminal.

Sa interbyu sa DXDC RMN Davao kang Aiza Usop, DCOTT Manager, gibutyag niini nga ila na lamang gihulat ang maong ‘equipment’ alang sa paspas nga pag check sa pasahero ug automatic na ang pagkuha sa ilang temperature isip usa sa mga health protocols batok sa Coronavirus Disease 2019 (COVID-19).

“Mas okay na siya kay pagsulod, kay karon manual ang ginagamit nato. Pagsulod sa pasahero, naay staff nato nga CSU (Civil Security Unit) nga magkuha sa ilang temperature,” saysay ni Usop.

Samtang, gibutyag usab sa DCOTT Manager nga padayon karon ang konstruksyon sa canopy gikan sa terminal drive padulong sa passenger entrance ug gikan passenger entrance padulong sa comfort room area sa terminal.

RadyoMaN Kirby Manzon

Facebook Comments