DCOTT: Automatic thermal scanner i-muntar

32

Davao City – Gilaumang magbaton na og ‘automatic’ thermal scanner ang Davao City Overland Transport Terminal (DCOTT) aron mas mapadali na ang paghiling sa mga pasahero nga mosulod sa terminal.

Sa interbyu sa city-owned radio kang Aiza Usop, DCOTT Manager, gibutyag niini nga gawas sa baggage x-ray machine ug walk through machine, plano karong magmuntar usab og automatic thermal scanners pasulod sa terminal aron mapadali na ang pagsulod sa mga pasahero sama sa mga entry and exit points sa dakbayan.

“Mura’g naa poy gi-propose ang atoang Vice Mayor’s Office yata nga butangan pud na nato (ang terminal) og same sa Lacson ug sa Toril (nga automatic scanner),” segun ni Usop.

Gawas niini, aprobado na ang proyekto sa DCOTT nga canopy sa terminal drive nga kasamtangan karong ginatrabaho.

Matud sa DCOTT Manager, padayon ang hugot nga pagpatuman sa standard protocol sulod sa terminal batok sa Coronavirus Disease 2019 (COVID-19) ingon man sa mga nagabiyaheng sakyanan.

RadyoMaN Kirby Manzon

Facebook Comments