DCOTT: ‘No pick-up’ policy padayong gipatuman

Davao City – Magpabiling gidili ang pagpasakay og pasahero gawas sa Davao City Overland Transport Terminal (DCOTT).

Sa interbyu sa DXDC RMN Davao kang Aiza Usop, manager sa DCOTT, gibutyag niini nga kabahin sa ‘culture of security’ campaign sa dakbayan, sa maong terminal lamang tugotan ang pagpasakay og pasahero aron masiguradong mapailawom sa inspeksyon ang mga pasahero ilabi na gyud ang ilahang mga bagahe aron malikayan ang unsa mang insidente.

Hinuon, gipangandaman na sa DCOTT ang dagsa sa mga pasahero ilabi na karong umaabot nga Huwebes ug Biyernes Santo, diin gilauman ang influx sa mga pasahero.

“Aduna kitay approved DCOTT Board Resolution regarding that ‘No pick-up’ policy. Kadtong sauna verbal lang ang maong directive. So karon, gi-black and white na hinuon siya,” sulti ni Usop.

Dugang sa DCOTT manager nga sa pagkakaron, padayon gihapon ginaplastar ang planong pagbutang og areas gawas sa DCOTT nga pwedeng himuong area sa pag-pick up og pasahero.

RadyoMaN Kirby Manzon

Facebook Comments