DCPO: COVID-19 alert level 3 guidelines hugot ipatuman

76
Davao City – Hugot nga ipatuman sa Davao City Police Office (DCPO) ang guidelines sa Inter-Agency Task Force (IATF) ilawom sa Coronavirus Disease 2019 (COVID-19) Alert Level 3, diin gipailawom ang syudad sa Davao sugod karong adlawa (Enero 14, 2022) hangtud Enero 31, 2022.

Sa interbyu sa DXDC RMN Davao kang Police Colonel Kirby John Kraft, Director sa DCPO, gibutyag niini nga ilawom sa Alert Level 3, gitugot gihapon ang interzonal ug intrazonal movement ug mamahimo gihapon nga makasulod sa syudad ang 18-anyos paubos nga walay RT-PCR (reverse transcription-polymerase chain reaction) test requirement.

Samtang, gisulti ni Kraft nga adunay igong personahe sa kapulisan nga gipakatag sa mga areas nga nanginahanglan og monitoring sa lihok sa tawo ug pagsigurong walay mass gathering nga matigayon.

“Naka-deploy na man po ‘yung pulis natin. Actually nasa labas na po lahat ng pulis natin – nasa mga malls, nasa mga vaccination areas, nasa mga quarantine control points, nasa mga house lockdown. Nandito na po ‘yung mga pulis natin,” sulti ni Kraft.

Gidugang sa police official nga 24/7 na usab ang checkpoint sa dakbayan ilabina sa pagpatuman sa nationwide gun ban pagsugod sa election period niadtong Enero 9, 2022.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments