DCPO gigraduhan og 10/10 sa IAS Davao

372

Davao City – Gigraduhan og 10/10 sa PNP Davao City Internal Affairs Service (IAS) ang Davao City Police Office.

Sa interbyu sa RMN Davao kang Supt. Amy Fiel sa CIAS nga gidayeg niini ang gipatumang hugot nga pagbantay sa kapulisan aron lamang mamahimong malinawon ug hapsay ang syudad atol sa Kalagkalag karong tuiga.

Nagpasalamat si Fiel sa tanang pulis sa ilang sakripisyo ilabina sa 24/7 nga pagbantay sa mga sementeryo, point of convergence sama sa mga terminals, resorts ug mga residential areas.

Sa paginspeksyon usab sa IAS nabantayan gayod og sakto ang syudad ug napatrolyahan kini.

Mando ni Fiel sa tanang mga pulis nga dili iubos ang taas nga alerto ug magpibiling igmat aron mamentenar ang kalinaw sa syudad.

RadyoMaN Aimee Guinita

Facebook Comments