DCPO gipasalig nga itunol ang hustisya ngadto sa pamilya sa mga batan-ong gi-abduct

Davao City- Gipasalig ni Davao City Police Office City Director Police Col. Alberto Lupaz nga masulbad ang mga nahitabong pagkahanaw sa duha ka mga batan-ong nga sila Dennis Roy Panzan, 23 anyos ug Kenth Lawrence Espisona, 18 anyos kinsa alegasyong gipang-abduct sa Calinan ning syudad.

Sa interbyu sa DXDC RMN Davao kang Police Major Catherine Dela Rey, gisulti niya nga gipanganti ni Lupaz nga matunol ang hustisya ngadto sa mga biktima.

Wala pay matumbok ang mga awtoridad nga mga suspek sa giingong nidagit ug nag-torture kang Dennis Panzan hinungdan nga namatay kini.

Nanawagan ang DCPO sa adunay impormasyon o nakakita sa laing na-missing nga si Kenth Lawrence Espisona nga musumbong sa kapulisan.

Matud sa report gidagit kini niadtong Mayo 27,2023 adlawng Sabado sa wala pa mailang mga tawo nga naka-facemask ug gisakay sa usa ka Toyota Fortuner sa may La Roca Chapel, Purok 1, Lacson, Calinan, Davao City.

Dili pa usab masulti sa kapulisan kung adunay koneksyon ang serye sa disappearances sa may Calinan ug kung may kalambigitan ba kini sa Bragas rape slay case.

RadyoMaN Aimee Guinita

Facebook Comments