DCPO: Lalaking napalgang patay sa Punta Dumalag dunay samad-dinunggaban, autopsy iduso

57

Davao City – Ipaduso ni Davao City Police Office (DCPO) City Director Police Col. Kirby John Kraft ang pagpailawom sa awtopsiya sa patayng lawas sa lalaking napalgang galutaw sa Punta Dumalag, Matina Aplaya, Davao City.

Sa interbyu sa RMN Davao kang Kraft, kini aron masuta ang hinungdan sa pagkamatay sa biktima human kini gituohang gipatay.


Na-identify na sa kapulisan ang biktima nga si Luis Garcia Malinao, 44 anyos ug residente sa Brgy. Talomo, Davao City.

Matud ni Kraft, mismong ang 23 anyos nga kapuyo niini ang nikumpirma pinaagi sa tattoo nga bulak sa tuo nga bukton sa biktima.

Na-missing kini niadtong Enero 17, 2021 ug didto na kini nakita sa may Dumalag 2, Matina Aplaya, Davao City, nga giputos og packaging tape ang dagway, nakitaan usab kining samad dinunggaban ug adunay narekober nga hikot sa kamot niini.

“Murder ito kasi kita naman iyong ginawa sa kanya, tinakpan iyong ulo at may mga stab wounds pa. Makikita natin iyon sa autopsy kung ano pa ang ibang causes nga kanyang pagkamatay,” sumala ni Kraft.




Nilusad og background investigation ang awtoridad ug nasayran nga nisurrender kini sa Oplan Tokhang niadtong 2017 apan wala na usab kini ni-comply sa mga rekwisitos sa maong programa kontra droga.

Matud ni Kraft nga usa kini sa mga anggulong ilahang gilantaw karon ug padayon silang nakigkoordinar sa live-in partner sa biktima nga giilang si Elma Sanchez Molina alang sa mga makuha pa nilang lead sa pagsolbad sa maong krimen.

Giawhag usab sa hepe kung kinsa may mga nakasaksi o ulahing nakakita sa biktima nga makigalayon sa kapulisan.

RadyoMaN Aimee Guinita

Facebook Comments