DCPO: ‘Missing’ nga bangko sa masahista giklaro

18

Davao City – Gitataw karon sa Davao City Police Office (DCPO) nga wala sa Roxas Night Market mismo nawala ang gika-report nga 19 ka mga bangko nga ginagamit sa mga masahista sa lugar.


Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga subay sa police blotter sa Sta. Ana Police Station, gipanawagan ni Evelyn Dela Peña, kauban ang ubang masahista nga nawala na ang ilang gibilin nga plastic chairs sa Purok 6, Padre Zamora Street, Brgy. 22-D niadtong Marso 12, 2020 atol sa lockdown gumikan sa Coronavirus Disease 2019 (COVID-19).

“Atong klarohon ba. Gina-drag man gud ang Roxas Night Market. Ginagamit ‘to nila pero wala sa Roxas Night Market nawala. Sa ilaha pa siguro ‘tong lugar,” tataw ni Aguilar.

Sa post sa social media, adunay tatak nga ‘FMT’ ang maong mga bangko nga mamahimong basehan sa pag-report sa kinsa mang makakita sa maong gamit.

Gipanawagan sa DCPO Spokesperson, ang publiko nga dili magpasagad og bilin sa ilang mga gamit labi na kung walay magbantay niini aron dili mabiktima sa mga kawatan.

RadyoMaN Kirby Manzon

Facebook Comments