Davao City – Hitsas na ang Davao City Police Office kun DCPO alang sa ilahang security plan sa pagabli sa school year 2019-2020.
Atol sa interbyu sa RMN Davao kang DCPO head Police Col. Alexander Tagum nga ubos sa Oplan Balik Eskwela gimanduan na niya ang tanang chief of police sa 12 ka mga stations nga hugot nga bantayan ang ilahang mga eskwelahan sa ilahang mga areas of responsibility.
Parte sa mga aktibidad sa kapulisan ang pag-asister usab sa traffic sa pagdagsa sa mga estudyante.
Magmuntar ang DCPO og police assistance desks aron daling marespondehan ang mga concerns.
Gibutyag ni Tagum nga nakatutok usab sila karon sa National Schools Maintenance Week diin dul-an 1,000 ka mga pulis usab ang nipartisipar.
Gilaraw usab sa DCPO nga mag-apod-apod og mga school supplies sa mga kabus ug mga nanginahanglang mga estudyante.
RadyoMaN Aimee Guinita
