DCPO report: Pagpusil-patay sa 19 anyos sa bar self-defense matud sa suspek

1969
Davao City – Ipasaka ang kaso karong adlawa (July 4, 2022) sa piskalya batok sa suspek nga si Marvin Rey Andrew Pepino, Non-Uniformed Personnel (NUP), anak sa kanhi heneral nga nakapusil-patay sa 19 anyos nga estudyante nga si Amir Pulanon Mangacop.

Sumala ni PLT Ruel Dionela San Pedro Police Station Deputy Chief, duha ka kaso ang ipasaka nga mao ang Murder ug Illegal possession of firearms and ammunition (RA 10591).

Kahinumduman, adunay commotion nga nahitabo gawas sa usa ka bar sa De Tavera corner J.Camus Extention, Barangay 9-A, syudad sa Davao sa natigayong away sa duha ka grupo nga ang usa gikan sa Cotabato City.

Matud pa nigawas ang suspek niadtong panahona gikan sa bar ug igo lang nisusi sa maong kagubot apan siya na ang gitabangan ug kulata hinungdan nga iyang napusilan ang biktima. Daling gihatud sa Davao Doctors Hospital, apan gideklarang dead on arrival.

Ang biktima gidala na sa kabanay sa Cotabato City aron ipahiluna ang patay’ng lawas subay sa tradisyong muslim, samtang si Pepino ang gipriso karon sa San Pedro Police Station.

RadyoMaN Don Pulayao

Facebook Comments