DCPO: Rogue gallery sa detainees nga nakaikyas gipakatag sa kapulisan sa Region XI

Davao City- Gipalapdan sa Davao City Police Office (DCPO) ang ilang hot pursuit operation batok sa mga at large pa nga mga detainees sa Sasa PNP.

Gibutyag ni Police Major Ma. Teresita Gaspan DCPO spokesperson, gipakatag na nila ngadto sa mga Provincial Police Offices sa Region XI ang rogue gallery sa mga nakaikyas nga detainees.

Kadlawon niadtong June 16, 2022, mi-eskapo ang mga suspek human gigabas niini ang round steel bar sa likod nga portion sa detention facility.

Ang nahisgutang mga detainees adunay mga kasong kalambigitan sa illegal nga droga nga sila Alan Suluan, 22 anyos, mananagat, badjao, adunay mga tattoo, Aljun Lulang, 18 anyos ug Agdokahal Montasi, 18 anyos, mga residente sa Isla Verde, Barangay 23-C Boulevard, Davao City.

Nilingkod ang bag-ong station commander sa Sasa Police Station nga si Police Major Jose Rodrigo Mendoza hulip kang Police Major Alberto Abella kinsa gi-relieve sa pwesto lakip na ang jailer.

“Titingnan lahat ng aspeto sa investigation para madetermine natin isa-isa ang degree ng participation sa ilahang liability,” sumala ni Gaspan.

RadyoMaN Aimee Guinita

Facebook Comments