DCPO: Roxas Night Market walay face mask violators

51
Davao City – Giklaro sa Davao City Police Office (DCPO) nga walay natalang face mask violators sa Roxas Night Market, sukwahi sa giingong adunay mga naisyuhan og citation ticket.

Sa interbyu sa DXDC RMN Davao kang Police Colonel Alberto Lupaz, Director sa DCPO, gibutyag niini nga wala pay natalang nakalapas sa wala pagsuot og face mask sa Roxas Night Market diin hugot usab ang pagbantay sa mga personahe sa kapulisan palibot sa lugar.

“Sa (Roxas) Night Market, I think, wala pa pa kaming recorded but you know, hindi ka pwedeng mag-violate dyan. Andyan lang mga pulis natin nakapalibot. So, usually wala kaming masyadong huli dyan sa mga areas na ‘yan,” sulti ni Lupaz.

Matud ni Lupaz, sa datus sa DCPO, anaa na sa kapin 8,000 ang face mask violators sa syudad gikan Enero karong tuiga human gipatuman ang mandatory nga pagsuot og face mask.

Subay sa ordinansa sa City Government of Davao, anaa sa P500 ang multa sa madakpan nga dili magsuot og face mask. P2,000 sa second offense ug P5,000 o usa ka bulan nga pagkapriso sa third offense.

RadyoMaN Kirby Manzon

Facebook Comments