DCPO: Security measures hugot gipatuman

21

Davao City – Nagpadayon karon ang mga pag-estudyo sa pagpanguna sa Public Safety and Security Command Center (PSSCC), Task Force Davao, Davao City Police Office, Police Regional Office (PRO-XI) ug uban pang law enforcement agencies alang sa security deployment sa tanang mga public convergence areas sa syudad sa Davao aron dili malutsan sa mga dautang elemento ang syudad ilabi na niining mga terorista.

Sumala ni Davao City Police Office (DCPO) Director Police Sr..Supt.Alexander Tagum, adunay dugang pwersa gikan sa PRO-XI gi-deploy sa DCPO aron motabang sa hugot nga pagbantay sa dakbayan.

Matud ni Tagum, gipatuman na sa syudad ang Anti-Unattended Bag Ordinance ug Anti-Bomb Joke Regulation diin aduna nay mga nadakpan.

Samtang giangkon usab ni Tagum nga security-conscious na ang katawhan sa syudad tungod sa daghang mga report nga ilang nadawat gikan sa mga tawo kabahin sa ilang namatikdan nga mga dautang elemento sa ilang lugar.

RadyoMaN Bernard Pantallon

Facebook Comments