DCPO: Seguridad sa haya ni Kapitan Llubit gipaniguro

65

Davao City – Gi-secure sa Davao City Police Office (DCPO) ang haya sa gipusil patay nga si Barangay 9-A Barangay Captain Roderico “Tata” Llubit sa panimalay niini sa Purok 10, Muslim Village, Brgy.9-A ning syudad sa Davao.

Sa interbyu sa DXDC RMN Davao kang DCPO City Director Police Col. Kirby John Kraft, nagdeploy siya’g mga personahe aron mobantay sa area diin nahitabo usab ang pagpatay sa biktima.


Gawas sa pagsigurong hapsay ang lamay ug lubong sa kapitan, kinahanglan nga matuman usab ang health protocol sa lugar.

Segun ni Kraft, gidili ang mass gathering subay sa Executive Order sa syudad busa immediate family lang mamahimong makabisita.

Nakatutok ang Special Investigation Task Group (SITG) sa pagpalig-on sa mga ebidensiya ug pagpangita og mga saksi sa krimen aron mahatag ang hustisya kang Kapitan Llubit.

“Pabalik-balik tayo sa area, iyong ating mga imbestigado. Iniimbestigahan natin ang lahat ng anggulo, iyong motibo base sa makukuha nating ebidensya,” sumala niini.



Gipakusgan sa DCPO ang intelligence gathering aron masuta ang motibo sa pagpatay sa kapitan ug madakpan ang responsable sa krimen.


RadyoMaN Aimee Guinita

Facebook Comments