Davao City – Imposible pa sa karong mga panahona ang pag-montar og kaugalingon nga standby power plant dinhi sa dakbayan aron mu-supply og tubig sa mga konsumante ugaling adunay mahitabo nga water service interruptions.
Sumala ni Atty. Bernard Delima, spokesperson sa Davao City Water District kun DCWD, kinahanglan pa og dakung luna ug 3-5 megawatts system aron mag-montar og power plant dinhi sa dakbayan diin mudagan usab kini og minilyon nga budget ang igahin aron kini matukod.
Hinuon gibutyag ni Delima nga laumang mahuman ang Tamugan Bulk Water Project sa 1st quarter sa tuig 2020 aron makadugang sa supply sa tubig sa mga Davaoweños.
Ugat-hinungdan sa nasangpit nga hisgutanan mao ang pagreklamo sa pipila ka mga konsumante human ang emergency water service interruptions kagahapong adlawa diin kapin 20 ka mga barangay nga giserbisyuhan sa Dumoy Water Supply System ang naapektuhan tungod sa emergency repair sa transmission ug butterfly valve sa may Bago Aplaya bridge nga naigo sa backhoe sa DPWH contractor.
Hinuon giklaro sa DCWD nga duna nay mga areas nga mibalik na ang na ang supply sa tubig apan aduna lang pressure recovery nga ginahimo ug gilaumang karong udto mahuman ang full recovery sa water supply.
RadyoMaN Renz Barbarona
