Davao City – Padayon ang pagsuta sa problema kabahin sa tubig sa Deca Homes Tigatto dinhi sa dakbayan sa Davao mahitungod sa pag agas og hugaw nga tubig.
Sa pakighinabi sa DXDC RMN davao kang Lani Catalan, 54 anyos, usa ka residente sa maong lugar, gibutyag niini nga 5 years na sila gapayo sa Deca Homes apan wala gihapo’y klaro ang tubig.
“Dili pwede mainom ang tubig kay color pula ang agas niini tas naay usahay pareha karon nga tin-aw. Pabag o bag-o ang color niya. Dili pwede panggamit sa sabaw, pang lung-ag ug pag inom,” segun ni Catalan.
Kahinumduman nga dugay na kining ginareklamo sa mga residente ug padayon gihapong ginasuta sa mga hingtungdang opisina ang maong problema.
Subay niini, nanghinaut ang mga residente sa maong lugar nga mubalik ang pag-agas sa limpyo nga tubig parehas sa pagagas niini sa miaging mga bulan.
Sharon Ajoc, HCDC MassCom Intern
