Deklarasyon nga teroristang organisasyon ang NPA, suportado sa 403rd brigade

Malaybalay City, Bukidnon – Suportado sa han-ay sa kasundaluhan ang deklarasyon ni Pangulong Rodrigo Duterte nga teroristang organisasyon ang Communist Party of the Philippines – New People’s Army (CPP-NPA).

Sa interview sa RMN Malaybalay ngadto kang Capt. Norman Tagros, ang Civil Military Operation kon CMO officer sa 403rd Peacemaker Brigade, Philippine Army, gibutyag niini nga tungod sa sunod-sunod nga pagpangatake ug pagpamatay sa mga rebeldeng New People’s Army kon NPA, sakto lang ang deklarasyon sa pangulo aron aduna na’y lig-on nga basehan sa pagpasaka og kaso sa mga teroristang NPA ug CPP.

Gikalipay usab sa militar ang pagtahas ni Duterte sa Department of Justice kon DoJ nga kasuhan ang mga nagsuporta sa NPA-CPP.


Subay sa Republic Act 9372 kon mas nailang Human Security Act, mas pakusgon pa sa militar ang ilang operasyon batok sa NPA ug sa mga nagsuporta niini.

Facebook Comments