Deklarasyong state of emergency giplanohan na sa Malapatan

[image: IFM 919 Logo (1).jpg]
Giplanohan na karon sa Barangay Council sa Upper Suyan, Malapatan ang deklarasyong state of emergency tungod nagpadayon ang pagsaka sa ihap sa mga namatay gumikan measles outbreak sa unom ka mga sitio.

Matod kay Barangay Kagawad Maria Mante misaka na sa kapin 20 ka mga bata ang kumpirmadong namatay tungod sa tipdas gikan sa Barangay Upper Suyan, Malapatan, Sarangani Province.

Nagsugod niaging ulahing semana sa Oktubre ang pagkatag sa tipdas kung asa mga kabataan ang nakasinati og kalintura, rashes ug uban pang sintomas.


Matod kay Maribel Capilitan, Health Emergency Management Coordinator sa MHO-Malapatan walo ka mga sitio ang naapektohan gikan sa Sitio Acasia, Lino, Siman, Tamayao, Upper Kihan, Upper Kyugam, Glandan at Sitio Mahayag.

Gipabakunahan na ang pipila ka mga residente sa maong lugar aron malikayan ang pagkatag sa nahisgutang outbreak.

Facebook Comments