Nadisgrasya ang usa ka delivery truck sa national highway sa Mauswagon, Laguindingan, Misamis Oriental.
Matud ni Police Master Sergeant Richard Amoguis- sa Laguindingan Municipal Police Station nga nahitabo ang insidente alas 10 sa gabei.
Naila ang drayber nga si Jury Dominggo, 32 anyos, ulitawo, taga Purok Durian, Davao del Sur.
Dugang pa ni Master Sergeant Amoguis, ang maong sakyanan ang puno sa mga utanon kinsa padulong sa Iligan City gikan sa westbound ning syudad.
Nasayran nga samtang nagbiyahe ang truck, na out of control kini pag-abot sa Zone 1 Mauswagon, hinungdan nga didto kini nakapaingun sa mga tindahan sa mga vendor sa isda.
Giklaro ni Amoguis nga wala nay mga namaligya nga mga vendors atol sa insidente.
Samtang walay namatay sa insidente apan ang kauban sa drayber nga babaye ang gidala sa hospital.
Naila ang babaye nga si Luz Endrina, 62 anyos, taga Lonas, Barangay Pagatpat ning dakbayan.
Matud ni Police Master Sergeant Richard Amoguis- sa Laguindingan Municipal Police station nga grabe usab ang sitwasyun sa drayber sa truck.
Sa imbestigasyon, taas kaayo ang tire mark nga nagpamatuod nga kusog kusog ang dagan sa nasangpit nga truck.
