Masuwerte nga nakaluwas sa katalagman ang driver kag pahinante sang delivery truck matapos matumba ini sa highway sa barangay Dogman, San Dionisio, Iloilo kaina sang aga.
Ginpahayag ni PO2 Jay Jhon Velasco sang San Dionisio PNP nga natabu ang aksidente alas 7 kaina sang aga kon sa diin hinali lamang nga nawarik sang driver ang manibela nga nagresulta sang pagbaliskad sang truck nga Mitsubishi Canter kag may platre number 030103.
Sa pihak sini, wala sang naagum nga kapilasan ang driver nga si Jem Ray Frugalidad, 31 anyos sang barangay Tipakla, Ajuy; kag ang pahinante nga si John Franz Arguelles, 28 anyos sang Cauayan , Negos Occidental.
Facebook Comments
