Sumala ni Dr. Michelle Schlosser (sa interbyu sa city-owned radio), lauman na ang mga kaso sa dengue ilabina panahon sa ting-ulan rason nga kinahanglan kining pangandaman pinaagi sa kanunay nga pagpanglimpyo sa palibot ilabina sa panimalay.
“Manglimpyo gyud ‘ta labi na sa mga rainy season. Labi na dira gyud sa mga stagnant nga kanal. Continue to clean up your environment para maiwasan nato ang dengue,” sulti ni Schlosser.
Gibutyag ni Schlosser, angay usab nga bantayan ang mga bata nga risgo sa dengue tungod kay sila dali nga ma-dehydrate kung itandi sa mga hamtong.
Dugang sa health official, dili angay nga balewalaon ang on and off nga kalintura sulod sa duha ngadto sa tulo ka adlaw. Angay kining ipa-check dayon sa Barangay Health Centers nga nagtanyag og libreng test alang sa dengue aron kini daling matambalan.
RadyoMaN Kirby Manzon
