Dengue cases sa Davao nikunhod

44

Davao City- Niubos ang ihap sa mga kaso sa dengue sa dakbayan sa Davao, karong tuiga kung itandi sa nakabalay’ng tuig 2019.

Sa interview sa DXDC RMN Davao gibutyag ni Melodina Babante, City Health Office (CHO) Tropical Diseases Prevention and Control Division Pest Control Worker II, gikan Enero hangtod Hulyo ning tuiga, adunay 651 ka kaso sa dengue ang syudad, samtang anaa sa 2,187 ka kaso gikan Enero hangtod sa Disyembre sa tuig 2019.


“Kung i-compare nimo ang January to July 2020 (sa 2019 cases) mas baba gyod siya og mga most likely 48%,” segun ni Babante.

Samtang, upat ang kumpirmadong namatay sa dengue sa syudad, usa ka 22 anyos nga taga-Talomo River ning syudad niadtong Hulyo, 7 anyos nga lalaki sa Barangay 26-C ang namatay niadtong Agosto 5 ug duha ka magsu-ong babae sa Calinan nga nag-edad 13 ug 8 anyos nga oras lang ang deperensya sa ilang pagkamatay niadtong Agosto 15, 2020.

Sumala ni Babante, gipakusgan pa nila, ang gihimong mga non-physical contact dengue measures sama sa soaking activities sa mga barangays nga gikonsiderang hotspot areas sa dengue sa syudad sa Davao.

RadyoMaN Aimee Guinita




Facebook Comments