Dengvaxia recipients sa rehiyon gi-monitor

Davao City- 132 ka mga indibidwal sa rehiyon ang padayong ginamonitor karon sa DOH-XI human kini nagpavaccine og dengvaxia sa mga private clinics.

Mao kini ang gibutyag ni DOH Assistant Secretary of Health for Mindanao ug Regional Director Abdullah Dumama Jr. atol sa nahitabong groundbreaking sa Davao Quarantine Station sa DOH karong adlawa.

Matod pa niya sa maong datos, adunay mga batan-on ug aduna sab nagpangidaron og 40 anyos pataas apan ilang gipaniguro nga padayon ang ilang koordinasyon ngadto sa mga private clinics ug mga indibidwal nga nabakunahan niini.


“We have been monitoring this very strongly kasi merong mga cases pero it’s just that we cannot categorically admit na dun ho galing yung mga cases. We will wait for the decision,” segun ni Dumama.

Giawhag ni Dumama ang publiko nga kung aduna man kini nailhan nga nagpabakuna og dengvaxia mahimo kining mudangop sa ilang gimuntar nga mga ‘dengvaxia desk’ sa rehiyon.

Nasayran nga padayon gihapon ang imbestigasyon sa ‘Dengvaxia Task Force’ aron resolbahon ang isyung gikalambigitan sa P3.5B Dengvaxia purchase nga gituohang hinungdan sa pagkamatay  sa pipila ka mga batan-on sa dinhi sa Pilipinas.

RadyoMaN Abi Bibera

Facebook Comments