DENR-6 NAGAKABALAKA NA SA MATAAS NGA KASO SANG FOREST FIRES SA WESTERN VISAYAS.

Nagakabalaka na karon ang department of Environment and Natural Resources ukon DENR region 6 sa nagataas nga numero sang forest fires nga nagluntad sa bilog nga Western Visayas.

Ini matapos naglab-ot na sa 22 ka insidente sang forest fires ang nalista sang DENR sa una nga quarter sang 2019 kon sa diin may kabug-usan nga 543 ka ektaryas sang kagulangan ukon kabukiran ang nasunog kag naglab-ot naman sa 3 million pesos ang natuga sini nga kahalitan.
Ginpahayag ni DENR-6 Asst. regional Director for Management Service Livino Duran, kadam-an sang forest fires nagluntad sa probinsya sang Antique kag may yara man sa Iloilo kag Guimaras.

Bangud sini, ginpahayag ni Duran nga hugot nila nga gina-monitor ang kagulangan kag kabukiran sa rehiyon 6 kag ginpabaskog naman ang ila mga fire brigades agud magbulig sa pagtapna pananglitan may magaluntad nga forest fire.


Facebook Comments