Ang Department of Environment and Natural Resources (DENR) ang nakatakda usab nga mo- review sa Integrated Forest Management Agreements (IFMAs) nga gi-isyu ngadto sa 104 companies nationwide.
Ang DENR mi-basol sa pagka-upaw sa kalasangan sa Zamboanga Peninsula diin apil niini ang Zamboanga del Norte nga maoy nag-unang rason alang sa massive flash floods ug mudslides atol sa pag-igo sa tropical cyclone Vinta niadtong Disyembre.
Ilawom sa IFMA, si DENR Secretary Roy Cimatu mipasabot nga ang kompanya ang gitugutan nga makapatindog ug industrial tree plantations sa maong area apan gibawalan sa pagpamutol ug mga residual tree gawas kon kini gitugot kaniya.
Gipasabot ni Cimatu ang ilabina kakinahanglan alang sa compliance ug performance evaluation sa mga IFMA sites, nga naglangkob sa Dacon Group of Companies, nga gimandoang mohunong sa operasyon sa ilang duha ka mga kompanya ang South Davao Development Co. Inc, (SODACO) ug ang Sirawai Plywood and Lumber Corp (SPLC) sa lungsod sa Sibuco ning lalawigan sa Zamboanga del Norte.
Ang order sa DENR’s gipatuman human si President Rodrigo Roa Duterte mi-basol sa maong mga kompanya alang sa flash floods ug mudslides nga mipatay sa dose-dosenang mga indibidwal sa Zamboanga Del Norte sa pagkastigo sa typhoon Vinta.
Nasayran sa 104 ka mga IFMAs sa tibuok nasud, gibutyag sa DENR nga 40 niini anaa sa Luzon, 13 sa Visayas, ug 51 sa Mindanao.
Nahibaw-an usab nga adunay 10 ka IFMAs nga gi-isyu sa Zamboanga Peninsula diin ang flash floods nahitabo.
Sa samang bahin, si Cimatu mihatag sa 12-member DENR probe team ug hangtud January 22 sa pag-kompleto sa ilang imbestigasyon sa Dacon areas nga giingong anaa ang deforested portion sa kabukiran sa Zamboanga del Norte.
