DENR nag launch it “Dalaw Turo” sa Boracay

74

Ni Jay-ar M. Arante, RMN-DYKR Kalibo
Nag-launch ro Department of Environmental and Natural Resources (DENR) Aklan it “Dalaw Turo” sa isla it Boracay ko adlaw it Martes.
Daya hay pamaagi sa PENRO Aklan, CENRO Boracay, DENR Region 6, Central Office ag mga PIO maghalin sa probinsya it Antique, Iloilo, Capiz ag Guimaras.
Suno kay Provincial Environment and Natural Resources Officer Ivene Reyes, raya rong pamaagi para maipaabot sa mga stakeholders ag residente sa Boracay kung ano rong tama nga pag-segregate it mga basura ag pagpilak it tama sa mga basurahan.
Ro mga taga DENR hay maga-libot sa bilog nga isla it Boracay sa sueod it tatlong dominggo nga nag-umpisa eon ko adlaw it Martes para mag-tao it impormasyon kaangot sa basura nga kung sa siin daya do sambilog sa mabahoe nga problema makaron it Boracay.
May ging pangtakod man nga pahanomdom ro mga taga DENR sa tanan nga establisyemento sa isla ag panimaeay sa bulig ko pila ka media sa probinsya it Aklan.
TAGS: Dalaw Turo, DENR, PENRO AKLAN, CENRO BORACAY, BORACAY

Facebook Comments