Dep. Ed. 12 may bag-o nga regional director, Dr. Allan Farnazo gintransfer sa Davao Region.

70

Magapungko na epektibo subong nga adlaw ang bag-o nga regional director sang Department of Education 12, matapos ang ginpatigayon nga virtual turn-over of authority sang Biyernes nga adlaw sa diin nangin Keynote Speaker naman si Dep. Ed. Undersecretary Revsee Escobedo.
Sa subong ang bag-o nga Dep. Ed. Regional Director sang Soccksargen amo si Dr. Francis Cesar Bringas nga halin sa CARAGA region tal-os kay Dr. Allan Farnazo nga ginbutang bilang Regional Director naman sa Dep. Ed. Region 11 ukon Davao Region.
Ang nasambit nga transfer ukon reassignments sang mga Dep. Ed. officials ang base naman sa Dep.Ed. Order no.16 series of 2019.
May-angot sini, ginapalasamatan ni Dr. Farnazo ang tanan nga nagsuporta sa iya pamunuan bilang regional director sang rehiyon dose.
Samtang sa iya nga mensahe sa turn-over of authority, ginpasiguro ni incoming Dep. Ed 12 Regional Director Dr. Francis Cesar Bringas nga ipadayon ang gin-umpisahan nga mga programa ni Dr. Farnazo kag ginpasiguro niya nga himuon ang tanan nga mangin maayo nga regional director sang Dep.Ed. Soccsksargen.

Facebook Comments