Dep-ed Sarangani, dismayado sa pagpanunog sa mga rebelde sa tulo ka classroom sa usa ka tunghaan sa Malapatan

General Santos City–Gikasubo karon ni sir Crispin Soliven ang labaw sa Dep-ed Sarangani ang nahitabong pagpanunog sa tulo ka mga classroom sa may Sitio Lanao, Brgy.Sapu Masla, Malapatan Sarangani Province pasado alas 12:00 ang takna sa gabie.

Sumala pa ni Soliven nga kung si kinsa kadtong responsable nga misunog unta wala niini giapil ang eskwelahan gumikan kay gihimo kini alang sa mga estudyante nga dunay pangandoy sa kinabuhi nga makahuman sa ilang pag eskwela.

Nasayang lang matud pa ang gastos sa gobyerno sa mga tunghaan gumikan kay nasunog na ug dili na magamit sa mga estudyante ug nakahatag pa kini ug perwisyo sa ilang pagtuon ug sa mga magtutudlo.


dugang pagbutyag ni sir Crispin Soliven nga nagpadayon pa ang kapulisan sa pag-ila sa mga responsableng misunog sa tulo ka mga classroom sa nasampit nga lugar.

Gikadismaya sa opisyal ang panghitabo gumikan kay wala niini nagustuhan ang gihimong pagpanunog sa mga eskwelhan nga para unta kini sa mga kabataan nga naningkamot nga moeskwela aron makalampos.

Nakipag-Alayon na usab ang Dep-Ed Sarangani sa mga opisyal sa Malapatan aron hisgutan kung unsa ang pagabuhaton aron magpadayon sa gihapon ang pag eskwela sa mga estudyante luyo pa man nga nasunog na maong mga tunghaan. (Reynald Timario)

Facebook Comments