Dep. Ed. South Cotabato nagahingyo sa publiko sang respeto para sa pamilya sang nagsuicide nga estudyante.

20

Ginhingyo ni Division of South Cotabato Schools Superintendent Ruth Estacio sa publiko nga respetuhon ang naagyan ukon privacy sang pamilya sang estudyante nga nagkomitir sang suicide tungod sa epekto sang krisis dala sang COVID-19.
Samtang, ila man nga ginkakibot kag ginakasubo suno kay SDS Estacio ang natabo kay Danz Vistal Jr. sang barangay Cebuano sa banwa sang Tupi kag ang bug-os nga Deped South Cotabato ang nagasimpatiya sa pamilya sang estudyante.
Ginpahayag man ni Estacio nga nagapakig-angot man ang Division Office kag mga school officials sa mga otoridad kag pamilya ni Vistal sa imbestigasyon sa nangin kamatayon sini.
Nagapati man siya nga indi lang mabasol sa module ang natabo sa estudyante tungod ang suicidal tendencies ang madamo sang kumplikasyon.
May-angot sini, tungod sa bag-o nga sistema sang pagtuon sang mga kabataan tungod sa epekto sang COVID-19 nga tanan nagaadjust nagaapela si SDS Estacio sa mga ginikanan nga gabayan gid ang mga kabataan paagi sa paghatag sang suporta kag indi ipressure ang mga kabataan.
Pahayag niya man nga may-yara sang weekly home learning plan agud nga basehan sang mga ginikanan sa pagremind sa mga kabataan kon sa diin nga parte sang module ang tutukan.
Ginaadvisan man ni SDS Estacio ang mga kabataan nga indi magpapressure sa pag-answer sa modules tungod ini ang self – learning nga hibaluon kon naintiendihan ukon wala ang leksyon.
Sa mga manunudlo naman dapat suno pa nga kumustahon ang mga estudyante paagi sa text ukon tawag man.

Facebook Comments