Department of Agriculture, ginapanan-aw nga madugangan pa ang presyo sag karne sang P20 per kilo!

9

Roxas City, Capiz – Posible pa nga madugangan ang presyo sang karne sang baboy sang P20 kada kilo sa Metro Manila, gikan sa subong nga presyo bangud sa dugang nga mga galastuhon kaangay sang transportasyon gikan sa Mindanao region kag regular testing para sa African Swine Fever (ASF).
Padayon nga nagapakig-angut ang Department of Agriculture (DA), sa nagkatuhay nga mga suppliers halin sa Mindanao para nga masolusyonan ang kakulangan sang suplay sa Luzon, bangud sa epekto sang ASF. Mahibaluan nga bangud sa outbreak nagresulta ini sang malapnagon nga pagkapatay sang mga baboy sa pila ka mga dalagkoan nga mga piggery farms.
Mahibaluan nga una na nga ginproponer sang Department of Agriculture kay P- Rodrigo Duterte nga magpatuman sang ceiling sa presyo sang karne sang baboy kag manok matapos nga nagsaka sa gihapon ang presyo sini sa pihak sang ginapatuman nga price freeze sadto pa sang nakaligad nga tuig 2020.

Facebook Comments