DepEd: Bullying angay maaksyunan

34

Davao City – Gi-awhag karon sa Department of Education (DepEd) nga makig koordinar sa ekswelahan o muderitso sa ilang buhatan sa pagpaabot sa mga problema sa kabataan partikular na sa mga estudyanteng nalambigit sa pagpang bully.

Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga dili angay ipadaplin ang maong mga problema ug dapat gilayong kining maaksyunan.

“As the very instance of any particular bullying situation, kinahanglan nga mahibalo dayon kita aron dunay hinanaling aksyon,” segun niini

Una nang gibalita ang sumala pa pag-ambak sa usa ka 12-anyos nga dalaga sa usa ka mall ning sydudad diin nasayrang wala na kini nagasulod sa klase ug posibleng nakabiktima kini sa bullying sulod sa tulunghaan.

Abri usab ang departamento nga mutabang sa hingtungdan aron ma-imbestigahan ug masuta kung unsa ang tinuod nga hinungdan sa maong insidente.

“Akong gihangyo ang mga concern labaw natong mga ginikanan o mga mahal sa kinabuhi aning hingtungdan to coordinate with us para ma-imbestigahan nato ni ug para makita nato tong unsay mga nagpaluyo ug naglimin nga aspeto niining panghitabo.” tataw sa DepEd spokesperson.

RadyoMaN Kirby Manzon

Facebook Comments