DepEd error watch initiative gilusad

33

Davao City – Gi-awhag sa Department of Education (DepEd-XI), ang mga ginikanan nga gilayong i-report sa eskwelahan ug sa mga magtutudlo ugaling adunay makitang mali kun sayup sa module nga ginagamit karon sa blended learning sa mga estudyante.

Atol sa One Davao on COVID-19 Virtual Presser gibutyag ni Jenielito Atillo, Spokesperson sa DepEd-XI nga gilusad sa departamento ang ‘DepEd Error Watch’ Initiative kung asa mas mapadali, ang pagresponde sa problemang makita sa module sama sa typographical errors.


“This (‘DepEd Error Watch’ Initiative) is actually a solution that we provide para hinanali ‘tong pagtawag sa atensyon ug hinanali pud ‘tong aksyon gikan sa Department of Education (sa pag correct sa module),” tataw ni Atillo.

Matud ni Atillo nga dili makasulbad sa problema ang pag post sa social media sa mga giingong sayop sa module nga gihimo nang ‘memes’ kun kataw-anan diha sa internet.

Gibutayag sa DepEd-XI official nga wala pay pormal nga napaabot sa departmento nga module nga adunay sayop diin dili pa usab masuta kung kinsa ug asa ang source sa nahisgutang mga materyales.

RadyoMaN Kirby Manzon




Facebook Comments