DepEd-Gensan gipasalamatan ang LGU-Gensan

24

General Santos City–Dako ang pagpasalamat ni Deped Gensan Schools Division Superintendent Rommel Flores sa LGU-Gensan human ang gipanghatag nga 5 mil nga mga android phone alang sa mga magtutudlo.
Sumala niya nga dakong tabang ang maong cellphone alang sa mga magtutudlo kung asa aduna pay internet ug unli call and text matag bulan.
Pinaagi matud pa niini, mas dali na alang sa mga magtutudlo sa pag communicate sa ilahang mga estudyante.
Dugang pamahayag ni SDS Flores nga ang maong ayuda ang naggikan sa special education fund sa lokal nga panggamhanan nga naunang ng na-aprubahan niadtong bulan sa Agosto.
Kini matud pa ang gipangayo sa Deped Gensan alang sa new normal nga klase. tungod matud pa sa maong assistance, nitaas ang morale sa mga magtutudlo.
Samtang gibutyag ni Gensan City Mayor Ronnel Rivera nga pinaagi sa mga cellphone, wala nay rason ang mga magtutudlo nga dili maka-communicate sa ilahang mga estudyante.

Sa karon matud pa, wala nay rason ang mga magtutudlo nga dili makahimo sa ilahang trabaho gumikan aduna na silay internet, pantawag ug pantext.


Nanghinaut usab kini nga mamahimong paspas ang pag-communicate ug pagmonitor sa mga teachers ngadto na sa ilahang mga estudyante.(LVR)

Facebook Comments