DepEd: Parental support sa abri-klase kinahanglan

44

Davao City – Dako sumala pa’g papel ang mga ginikanan sa paggiya sa ilang mga anak sa bag-ong sistema sa pagtuon sa mga estudyante gumikan sa Coronavirus Disease 2019 (COVID)-19.

Sa interbyu sa DXDC RMN Davao kang Jenielito Atillo, Spokesperson sa Department of Education (DepEd)-XI, gibutyag niini nga walay rason ang ginikanan nga dili giyahan ug i-monitor ang ilang mga anak sa ilang pagtuon karon nga panahon.


“Sa pagkakaron, dili gyud pwedeng mubalibad ang ginikanan nga busy or nagtrabaho. Kinahanglan gyud nga naa gyoy pamaagi para sundon or i-follow up ang edukasyon sa ilang mga bata,” esplikar ni Atillo.

Gitambag ni Atillo nga kung dili gyud pwede ang mga ginikanan tungod sa trabaho, angay nga mangita’g pamaagi nga adunay ikauban ang bata nga adunay kapasidad nga makatudlo niini.

RadyoMaN Kirby Manzon

Facebook Comments