DEPED TEACHER | Naglisensya nga manyapon, nasapwan patay, may igo sang bala sa ulo

CADIZ CITY – (1st Update) Igo sa ulo ang gintunaan sang kamatayon sang isa ka public school teacher sang ini ang nakit-an sa isa ka kampo sa Pueblo Sta. Maria Subdivision, Barangay Daga, Cadiz City.

Nakilala ang maestro kay Eric Geronga, 37, kag pumoloyo sa amu nga lugar.

Nasapwan ini sya sang caretaker sang kampo nga ginkilala kay Jake Figueroa, 27 anyos mga pasado las 12 na subong nga tungang udto, Enero 21.


Sa pagpangusisa sang dyHB, kagab-i mga las 7:30 naglisensya ini sa iya timbang nga may kadtuan lang nga panyapon apang naagahan lang wala ini nakabalik.

Kaina sang udto nasapwan na gid lamang nga may igo sang bala sa wala nga bahin sang iya ulo nga gintunaan sang iya kamatayon.

Facebook Comments