Davao City – Gikumpirma sa Department of Education (DepEd)-XI nga aduna nay mga pribadong eskwelahan sa rehiyon ang nagsirado gumikan sa Coronavirus Disease 2019 (COVID-19).
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga adunay 13 ka mga tulunghaan ang nagsirado sa pagkakaron diin sa maong ihap, tulo (3) niini ang sa Davao City, usa (1) sa Davao de Oro, lima (5) sa Tagum City, Davao del Norte, duha (2) sa Digos City, Davao del Sur ug duha (2) sa Island Garden City of Samal (IGaCoS).
Gitataw ni Atillo nga pipila sa maong mga tulunghaan ang mipasalig nga mubawi sa sunod nga school year.
“Adunay mga eskwelahan nga magsira sa karong school year 2020-2021 pero they said that they will bounce back school year 2021-2022,” tataw ni Atillo.
RadyoMaN Kirby Manzon
