DepEd-XI: Abri-klase sa Oct. 5 dakong tabang

35

Davao City – Makahatag pa’g dugang panahon sa mga magtutudlo ang pagsibog sa petsa sa abri-klase human gi-aprobahan ang rekomendasyon ni Department of Education (DepEd) Secretary Leonor Briones nga isibog sa Oktubre 5 tuig 2020 ang school opening subay sa Republic Act No. 11480 nga gitakda unta sa Agosto 24 ning tuiga.

Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga taliwala sa mga ‘concerns’ sa bag-ong sistema sa pagtu-on gumikan sa Coronavirus Disease 2019 (COVID-19), andam na ang mga magtutudlo sa Agosto 24 apan mas makahatag pa’g oportunidad kanila ang pagsibog niini sa Oktubre aron maandam pa dili lang ang mga magtutudlo lakip na ang mga estudyante ug ginikanan.

“Mas naghatag kanato’g dyutay’ng luag para himuon pa ‘tong mga butang nga angay’ng himuon para maka-ensure kita og smooth opening of classes,” esplikar ni Atillo.

Padayong panawagan sa DepEd-XI Spokesperson sa mga ginikanan sa wala pa nakapa- enroll sa ilang anak nga mag parehistro na aron magpadayon ang pagtuon sa nahisgutan sa himuong no face-to-face classes samtang wala pay bakuna batok sa COVID-19.

RadyoMaN Kirby Manzon

Facebook Comments