DepEd XI: Class opening dry run produktibo

31

Davao City – Nakita karon sa Department of Education (DepEd) XI ang kaandam sa mga eskwelahan ug mga estudyante atol sa gihimong dry run sa departamento sa preparasyon sa mga tulunghaan sa umaabot nga abri-klase sa Agosto 24, 2020.

Sa One Davao on Coronavirus Disease 2019 (COVID-19) Virtual Presser, gibutyag ni Jenielito Atillo, Spokesperson sa DepEd-XI, ilang gibisita ang tanang mga eskwelahan sa tibuok rehiyon ug gisuta ang ilang mga ‘concerns’ ingon man ang mga mulo sa mga gikinikanan luyo sa bag-ong sistema ug nakita niini ang kaandam sa nahisgutan.


“Nakita nato ‘tong kaandam sa atoang mga eskwelahan lakip na mga bata, because ang dry run nga atong gipahiluna is real class situation,” segun ni Atillo.

Gibutyag ni Atillo nga gawas sa ubang learning modalities, adunay mga eskwelahan nga adunay mga ‘innovations’ sama sa pagbaton og pre-recorded nga mga leksyon ug ipaabot sa ilang mga estudyante pinaagi sa CD (Compact disc) o USB (Universal Serial Bus).

Posibleng adunay mga problemang masinatian sa bag-ong sistema gumikan sa COVID-19 pandemic, apan gipaniguro sa DepEd-XI nga ilaha kining hataga’g solusyon ug pagtagad.

RadyoMaN Kirby Manzon




Facebook Comments