DepEd XI gikalipay ang resulta sa Batang Pinoy

31

Davao City – Gikalipay sa Department of Education kun DepEd XI ang resulta sa gipahigayong Batang Pinoy Mindanao sa Oroquieta City, Misamis Occidental diin tulo ka lugar gikan sa Davao Region ang nakasulod sa Top 6.

Sa gipagula nga final tally sa Philippine Sports Commission kun PSC sa Batang Pinoy, nahimong champion sa Mindanao ang Davao City nga dunay 126 ka medalya diin 64 niini ang golds, 55 silvers samtang 27 ang bronze medals.

Gani wala usab nagpaiwit ang usa pa ka lugar sa Davao Region nga mao ang Davao del Norte nga nakatungtong sa rank 3 nga dunay 109 medals (39 golds, 28 silvers, 42 bronzes).

Samtang nakatung-tong sa rank 6 ang Tagum City nga adunay 80 medals (28 golds, 29 silvers, 20 bronzes).

“That’s very very good news, that’s only an indication that we are doing good in the field of sports pero sa atong paglangtaw dili na siya simple lang nga paugnat sa kusog, naglambigit pud na og pagtulun-an kabahin sa disiplina, respeto ug sportsmanship,” sigun ni Atillo.

Dugang ni Atillo nga pinaagi niini mahulma ang sa usa ka indibidwal ug matawag nga kumpleto sa hisgutanang pamatasan ug pisikal nga aspeto.

Sunod nga atangan nga paugnat sa kusog mao ang Palarong Pambansa 2018 nga ipahigayon karong umaabot nga bulan sa Abril sa Vigan, Ilocos Sur diin sa karon naghinay2 na og bansay ang mga atleta sa rehiyon XI nga musalmot sa nasangpit nga aktibidad.

RadyoMaN Renz Barbarona

Facebook Comments